Jæja hitinn er í rénum en maður er nú ekki vel upplagður til lærdóms í svona ásigkomulagi.
Í Afganistan var nú leikinn fyrsti alvöru landsleikurinn í knattspyrnu, sjá Loss doesn’t dampen glee over soccer’s return to Afghanistan stadium once used for executions.
Sigurrós er búin að vera veik í vikunni en ég hafði ekki veikst neitt. Svo á fimmtudaginn brenndi ég mig í hálsinum þegar ég var að prufa heitan kakóbolla úr svona sjálfsalavél. Í gær fékk ég ónotatilfinningu þar sem ég hafði brennt mig og við mælingu fyrir svefninn í gærkveldi reyndist ég vera kominn með hita. Brunasárið gæti því hafa reynst inngönguleiðin sem sýklarnir höfðu beðið eftir. Í dag hef ég svo verið einstaklega sljór og ráfað um sem er ekki að hjálpa til við prófundirbúninginn.
Hef ekki orku í að segja meira um tenglana, vísa bara á þá.
Í Víruðu er að finna stórmerkilega grein um hin ýmsu undrabörn og alls konar vangaveltur um það hvort hægt sé að þjálfa heilann í að nota meira af honum. Líkingar við netkerfi og tölvur, Howard Gardner og fleiri koma við sögu í þessari frábæru grein.
Ekki mitt reyndar. Það er í fínum málum. Vil hins vegar benda á það að blessunin hún Dawn Steele er talin önnur vænlegasta einhleypa konan af Scotsman. Hana kannast flestir við sem Lexie í Hálandahöfðingjanum. Kannaðist nú ekki við restina af þessu liði né heldur við neinn af körlunum.
Myndbirtingar af stúlkum að bera brjóstin á skemmtistöðum borgarinnar virðast fara verulega fyrir brjóstið… jamm… ekki hægt að orða það penna… á alls kyns kverúlöntum og púrítanahræsnurum. Hvað er hræðilegt við nekt! Þó að ég sé ekki alveg um það bil að fara að fletta mig klæðum á almannafæri þá sé ég ekki af hverju það ætti að vera bannað.
Allt bull um siðsemi og hvað þá siðsemi og börn er argasta þvæla. Nekt á að vera sjálfsagður hlutur og ef að litlir krakkar sjá nakið fólk á þeim að finnast það eðlilegasti hlutur í heimi!
Mér er minnisstætt sumarið þegar að börn sem söfnuðu dóti á tombólu bönkuðu upp hjá mér og ég kom til dyra á stuttbuxum, þau æptu og skríktu þegar þau sáu að ég hafði “skegg á löppunum”. Er þetta eðlilegt? Tíu tólf ára krakkar sem hafa ekki séð nakinn karlmannsfót? Hvers konar firring er þetta? Við fæðumst öll með líkama og hann ætti nú að vera síðasta feimnismálið.
Það eru teprurnar í þessu þjóðfélagi sem skapa vandamálin, firringuna. Í dag hlæjum við að þeim sem trúa á ekkert kynlíf fyrr en eftir giftingu. Í framtíðinni verður hlegið að okkur fyrir tepruháttinn sem skapaði perverta sem áreita börn og fullorðna vegna þess að þeir öldust upp við alls konar fáránleg tabú sem öttu þeim fram af brúninni.
Nekt er ekkert feimnismál. Svona idjótaháttur eins og að kalla stúlkur mellur fyrir að fletta frá sér er ekkert betri en ærumorðin sem eru stunduð útí heimi. Þetta eru hin íslensku ærumorð. Voðalega hljótum við að vera stolt, eða hvað?
Popular Science veitir okkur innsýn í heim litla mannsins með stóra magann, í greininni Why do thin guys always seem to win eating contests? er ljósi varpað á hvers vegna þessi litli Japani vinnur 250 kílóa ferlíki léttilega í kappáti.
Önnur grein í sama blaði fjallar svo um kitlvélmenni sem listamannapar bjó til eftir að hafa þreyst á því að rífast um hvort ætti að kitla hitt.
Í Víruðum er svo að finna grein eftir tölvugúrú Mafíunnar í New York.
Lokatengillinn er svo á stórsniðuga fransk-enska orðabók á vefnum. Virðist virka vel.
Tvær góðar greinar í Wired. Annars vegar er það Bill Joy í spjalli en hann er einn af áhrifamestu mönnum þessarar tæknialdar.
Svo er það grein um plötusnúðinn Richie Hawtin sem margir þekkja sem til dæmis Plastikman.
Pöndur eru í bráðri útrýmingarhættu, að eigin vali virðist vera þar sem þær nenna ekki að fjölga sér og eru matvandari en ég! Nú er verið að reyna að blöffa þær með því að búa til heilsukex fyrir þær sem er í laginu eins og bambus. Það virðist duga á þær.
Gleymanlegur dagur. Fyrst að orðið ógleymanlegt er til hlýtur að mega að nota gleymanlegt. Áfram held ég að pota í innviður íslenskunnar, hellingur þarna sem er rökrétt en ekki til staðar?
Bendi bara á áhugaverða grein um rithöfundinn Philip K. Dick og myndaflóðið sem hefur skollið á okkur eftir skáldsögum hans. Ég hef lesið megnið af bókunum hans held ég og á nokkrar, mæli með kallinum.
Feginn að Bush yngri er ekki á leið hingað, löggæslan vegna komu hans til Bretlands er metin á 5 milljónir punda. Verst að menntakerfið eða fátækir fá ekki að njóta þess.
Tveir þykkir doðrantar fylgja Mogganum og Fréttablaðinu (Frébbanum?) á mánudagsmorgnum, fasteignablöðin þeirra. Það er hægt að eyða miklum tíma í að renna yfir stöðu mála á markaðnum.
Vox Day er snarruglaður tappi með fáheyrðar skoðanir, í dag messar hann að við guðleysingjarnir séum leiðin að helförum og hörmungum heimsins.
Áhugaverður vinkill á geggjaðar aðgerðir Ísraelsmanna sem einir þjóða komast upp með það að gera árásir á aðrar þjóðir og fá bágt fyrir skriflega en aldrei öðruvísi. Viðskiptabann Dóri og Dabbi? Nei?
Bush yngri mætti svo David Frost í viðtali og eitthvað óttalega er Frost kallinn smeðjulegur.
Tölfræði og greining, fjör fjör fjör.
Þessi ræma lýsir rugludallinum Ann Coulter vel.
P.s. Passing orderly = næsti sjúkraliði (á geðveikra stofnuninni sem Ann Coulter ætti að vera á).
Við Óskar erum búnir að vera að læra fyrir prófið á þriðjudaginn. Gífurlega mikið efni sem var farið yfir, fengum okkur bland í poka til að halda sykurstiginu háu.
Rakst á grein sem fær mann til að sannfærast enn meir um af hverju við sem ekki erum áhangendur Arsenal, Chelsea og Man Utd ættum að halda með Chelsea í baráttunni um enska titilinn.
Það er að minnsta kosti nokkuð í það að mínir menn komist aftur í baráttuna um titilinn, töpuðu í dag fyrir Colchester!
Nýja ofurtölvan sem er smíðuð úr hundruðum Macintosh-véla (sem almenningur getur fengið út í verslun) lenti í 3ja sæti sem hraðvirkasta ofurvélin. Ekki slæmt þar sem hún er ódýrust þeirra efstu líka. Skilst reyndar að hún noti rafmagn á við meðalþorp.
DMCA lögin í Ameríku hafa bundið hendur margra tæknifyrirtækja en einstaka dómarar sjá þó skóginn fyrir trjánum og leyfa framleiðendum til dæmis að búa til allsherjar bílskúrshurðaopnara. Framleiðandi vildi sumsé ekki að hægt væri að nota aðrar fjarstýringar en hans eigin á útbúnað frá sér í skjóli þessara laga.
Ný lög um bann við fóstureyðingum þó að líf móður sé í hættu voru samþykkt í Bandaríkjunum nýverið, rakst á grein um þessa vondu þróun þar sem líf ófædd barns er rétthærra en líf móðurinnar.
Í dag var síðasti hefðbundni skóladagurinn. Eftir helgina verður svo skuggalegt stærðfræðipróf og svo forritunarmál í vikunni þar á eftir.
Grikkir voru nú ekkert að fela sambönd fullorðinna manna og drengja á sínum gullaldartíma. Nú hefur hins vegar sjónvarpsstöð þarlendis verið sektuð um 100 þúsund evrur fyrir ósiðlegt efni. Syndin var sú að sýna koss tveggja karlmanna.
Fórum í dag eftir skóla til mömmu og sóttum þar allra síðasta dótið mitt. Stofan okkar hefur nú breyst nokkuð með sófanum og svo nýjustu viðbótinni sem eru fermingargræjurnar mínar. Við höldum þeim eingöngu vegna plötuspilarans. Spiluðum nokkrar plötur í kvöld, stefnan er sú að taka afrit af þeim og brenna á geisladiska.
AOE 2 – A to Z w10