SOAP er samskiptamáti sem notaður er í tölvutækni. Ég og sápan skemmt okkur í dag.
Þeir víla ekkert fyrir sér að búa til bull til að réttlæta árás á Írak, áður var minnst á “vönduðu skýrsluna” sem var í raun 10 ára gömul ritgerð við háskóla, núna er það Some Evidence on Iraq Called Fake.
Mikill skóladagur í dag eins og aðra daga þessar vikurnar. Verkefnin, tímarnir og heimadæmin halda manni vel uppteknum.
Náði þó að prufa betuna af EVE í klukkutíma í dag. Virkar flottur, spennandi að fikta meira í þessu. Meira má ekki segja, skrifaði undir rafrænt skjal þessa efnis.
Anna Hugadóttir er búsett í Hollandi um þessar mundir og skrifar fína færslu um muninn á náttúru Íslands og ekki-náttúru Hollands.
Bandaríkin eru sífellt að færast nær 1984, Stóra bróður, Brave New World og Kína Maós.
Mad antipiracy bot sics BSA on OpenOffice FTP site
Congresswoman compares Osama to U.S. founders
Knattspyrnumaðurinn Pavel Nedved hefur verið í uppáhaldi hjá mér síðan að ég sá hann fyrst á EM 1996 í Englandi. Mín fyrsta hugsun var að Sheffield Wednesday (sem þá var í ívið betri málum en nú) ætti að krækja í þennan snilling en ég var sáttur þegar að það reyndist vera Lazio sem að krækti í kappann enda mitt lið á Ítalíu.
Fjárhagsvandræði Lazio þýddu að Nedved var seldur til Juventus (sem var svo sem skárra en að hann færi til Mílan-liðanna eða Roma). Þar var hann lengi í gang en hefur undanfarið verið þriggja manna maki og stundum meira.
Lofsamlega grein um Nedved má finna hér, þar má meðal annars lesa:
“Nedved runs even when he sleeps,” said Juventus coach Marcello Lippi.
“Everyone in Detroit asks me about Del Piero,” Bonini told Gazzetta. “But when I want to teach soccer, I use a tape of Nedved.”
Vondu fréttir dagsins, álverið mun rísa og þar með Kárahnjúkar. Merkilegt að Norsk Hydro ætlaði að gera álver sem uppfyllti ströngustu mengunarreglur en Alcoa ætlar bara að byggja old-school járntjaldsálver án sérstakra mengunarvarna og fær það í gegn án vandræða.
Góðu fréttir dagsins, Uglurnar unnu loksins, ekki gerst síðan í byrjun janúar. Að þessu sinni var þetta líka stórsigur!
Hvernig var það, er úrdráttur ekki þegar maður dregur úr einhverju (tillögu, rakkar einhvern niður) og útdráttur þegar dreginn er út vinningur? Voðalega sjaldan sem talað er um útdrátt og happdrætti í sömu andrá, úrdráttur kemur oftar fyrir. Afskaplega hvimleitt, svipað og þegar að og af er ruglað saman í málnotkun.
Þeir sem eru að klóra sér í hausnum yfir tölvupósti sem gengur reglulega um á netinu og spyr um þriðja enska orðið sem endar á -gry ættu að skoða þessa síðu.
Því hún elskaði heiminn svo mikið að hún gaf sjálfa sig… Woman offers Bush crucifixion-for-peace deal
Þetta fannst mér undarlegt. Í Bandaríkjunum virðist sumsé vera til slatti af fólki sem er ekki með bankareikninga og lifir á reiðufé og ávísunum. Til að koma til móts við það hversu óhentugar ávísanir geta verið (t.d. sátu fyrirtæki uppi með þúsundir launaávísana í september 2001 þegar engar flugsamgöngur voru eftir hryðjuverkin) er búið að búa til nýja tegund korta, nokkurs konar launaávísanakort! Upphæðirnar bera enga vexti en launagreiðendur millifæra beint á þau. Sjálfum finnst mér þetta stórundarlegt, kannski er svona dýrt í Bandaríkjunum að geyma peninga í banka að það borgar sig ekki fyrir láglaunafólk?
Ísraelar eru að slátra Palestínumönnum hægri vinstri þessa dagana, jafnvel Bandaríkjastjórn fór aðeins að ræskja sig. Skrítið að það er alltaf tilgreint sérstaklega þegar konur og börn eru meðal látinna… teljast karlarnir ekki með? Sjálfkrafa ályktað að þeir séu hryðjuverkamenn / frelsishetjur?
Þegar maður heyrir minnst á tölvuöryggi þá dettur manni auðvitað Microsoft strax í hug er það ekki? Ekki út af góðu reyndar. Fyndið að það sé þess vega til “Government Security Program” hjá Microsoft.
Windows krassaði hjá mér í dag þegar ég tók einn stuttan Counter og þegar vélin fór aftur upp benti hún á þetta URL sem er aðeins aðgengilegt með IE. Windows XP er sífellt að verða gáfaðra og stöðugra en er þó enn gallagripur.
Að lokum góður tengill fyrir þá sem hafa gaman að efnafræðinni, Chemical Formula Search.
Sérfræðingur á sviði hársköpunar benti mér á að ég ætti ekki að nota vax ef ég er með þykkt hár. Málið er í skoðun (en dollan var andskoti dýr þannig að maður gefur henni smá séns!).
Var afar duglegur í skólanum í dag og reif mig snemma framúr til að kíkja á skólabækur fyrir tímana. Ég byrjaði af krafti í skólanum, datt svo aðeins niður en nú er það lokaspretturinn og markmiðið að taka þetta með stæl, aðeins að hífa meðaleinkunnina upp núna þegar maður er rúmlega hálfnaður.
Stefa kom í mat og tók með sér Rúnar til að sýna okkur. Reyndist vera prýðisnáungi.
Gerði tilraun til þess að nota hárvax í dag, fór varlega í þetta og líklega of varlega, lítil breyting. Vaxið er víst ofurþungt og sterkt enda fátt til ráða þegar að maður er með svona stíft og þykkt hár eins og ofanritaður. Spurning um að hóa í félagana sem hafa fátt annað gert undanfarin ár en að maka vaxi í eigið hár, þeir geta kannski kennt manni þetta.
Einhver lærdómur var í dag, skiladæmin lítil og létt að þessu sinni.
Kom módeminu á Mitac-fartölvu Sigrúnar í gang, það var talsvert moj að finna rétta rekilinn en hafðist að lokum. Greinilega ekki mjög þekkt módemið sem Mitac nota. Fínasta fartölva samt.
Náði loksins í kvöld að kíkja á kvikmyndina Brazil sem ég hef heyrt talsvert af undanfarinn áratug og rúmlega það. Fínasta ádeila á firru skrifræðisins, held að allir þingmenn Bandaríkjanna ættu að renna yfir myndina að minnsta kosti einu sinni áður en þeir taka ákvörðun um að leyfa verri firringu.
Miklar rannsóknir stundaðar í dag á netinu varðandi rafræna stjórnsýslu. Á vafri mínu því tengdu sá ég að í Kanada er oftast talað um inúítana og indjánana sem “First Nations”, fyrstu þjóðirnar. Finnst það nokkuð jákvætt, margar þjóðir sem hafa myndað Norður-Ameríku undanfarin 500 ár og þetta finnst mér fela í sér meiri viðurkenningu á frumbyggjunum (frumþjóðum) en önnur heiti sem eru notuð. Verst að nýrri þjóðirnar báru ekki svona virðingu fyrir frumbyggjunum fyrir 500 árum síðan eða jafnvel 50 árum síðan.
Áhugavert:
Grátbroslegt í umræðu um höfundarrétt þegar fram kemur sú röksemdafærsla að “enginn skapar neitt ef hann græðir ekki á því”. Sumsé þá var ekkert skapað af mannkyninu fyrr en Adam Smith kom með sína frómu bók eða fyrr en fyrstu höfundarréttarlögin voru sett?
Var ekki van Gogh bláfátækur alla sína tíð eins og fleiri listamenn sem eru í miklum metum? Ekki var hann málari til að græða á því. Sama má segja um tugþúsundir listamanna og grúskara, þeir hafa stuðlað að sinni list eða iðn af áhuga einum saman. Það eru Britney Spears og skyldir listamenn sem “skapa” til að græða, og þar er leiðum að líkjast, ég er nokkuð viss að þannig listamenn verða ekki langlífir í minningu mannkynsins. Að mínu mati hef ég ekki enn séð listamann sem býr eitthvað til peninganna vegna sem jafnast á við listamann sem býr eitthvað til af því að hann vill og þarf þess.
Á Mön eru menn með skemmtilegan tölvubíl, samanber bókabíl. Bíllinn fer milli grunnskólana og er færanleg tölvustofa í rauninni, þeir nota 3G kerfið til að tengjast netinu og það virðist svínvirka fyrir þá hvað hraðann varðar. Tölvurnar eru svo PowerBook tölvur frá Apple þannig að börnin eru ekki ofurseld Microsoft frá upphafi.
Til að geta notað Windows skammlaust þarf maður í sífellu að vera að uppfæra það því að það er stútfullt af villum og öryggisholum. Til þess er notuð Windows-græja sem athugar hvaða Microsoft hugbúnað þú ert með og hvaða útgáfur og tékkar á hvort að uppfærslur séu til fyrir það. Nú er búið að komast að því að þessi græja sendir líka upplýsingar um hvaða önnur forrit eru uppsett á tölvunni, bara svona af því bara. Ég vil ekkert að eitthvað fyrirtæki út í heimi viti að ég noti Eudoru, SSH, Zend Studio og hvað þetta allt er. Það kemur því andskotann ekkert við! MacOS X og Linux líta alltaf betur og betur út.
Sjálfur nota ég nú eingöngu Mozilla við vefráp mitt, Internet Explorer búinn að pirra mig endanlega og að auki vantar á mig þumalputta ef ég er ekki með flipa við vafrið (Mozilla býður upp á flipa… jæja… þið sjáið það ef þið prófið hann).
Skoplesning dagsins er úttekt Prövdu á ástarlífi Skandinava.
Í kvöld og þessa helgi eru svo vafalaust nokkrar fótboltaleikjaekkjur þarna úti, margir karlmennirnir sokknir ofan í nýja CM4 demóið sem kom út í dag. Ofanritaður gengst við því að hafa eitthvað kíkt á þetta sjálfur.
Jú, í dag var ég að byrja að skoða 861 blaðsíðna rit sem fer skref fyrir skref í gerð í notkun Java og XML með vefþjónustum og alls konar tækniheita sem að myndi drepa hvern lifandi mann að fá upptalningu á.
Náðum í skottið á Enterprise seríunni.