Uncategorized

Vænn fengur!

Ég þekki þó nokkrar konur sem hefðu gjarnan viljað landa þessum feng sem sjómennirnir náðu.

BBC eru að hefja sýningar á nýjum náttúrulífsþáttum, um hryggleysingja. Ótrúlegar myndir sem þeir ná eins og sjá má!

Uncategorized

Nokkur myndbönd

Jólahúsið
Ég myndi ekki vilja hafa jólaskreytingu eins og þetta fólk er með, en ég er agndofa yfir því hvað þetta er frábærlega útfært!

Píanóleikarinn
Jahá. Ég kann varla að spila á píanó með puttunum, hvað þá með boltum!

Uppáhaldsfugl Sigurrósar
Fuglinn sem gengur á tunglinu!

Öll myndböndin eru frá MyPartyPost.com [1][2][3] en hýst á vefþjóninum mínum til að flýta fyrir.

Uncategorized

Úr skjalasöfnunum

Gaman að sjá tillögurnar að merki Kópavogsbæjar sem var valið 1965.

Sean Connery fær nú tugmilljónir fyrir hvert hlutverk en byrjaði hins vegar starfsferilinn með 21 skilding á viku.

Skjalasöfn og gagnasöfn er frábær.

Uncategorized

Bókagjöf og Syndaborg

Í dag fórum við á Bókasafn Kópavogs með enn eina gjöfina. Tugir kiljubóka og slatti af geisladiskum, allt í prýðisstandi.

Bækurnar sem ég gaf úr mínu safni og ættu því að vera gestum aðgengilegar eru:

Eftir Tom Holt
Djinn Rummy
Expecting Someone Taller
Falling Sideways
Faust Among Equals
Grailblazers
Here Comes the Sun
Little People
My Hero
Nothing But Blue Skies
Odds and Gods
Only Human
Overtime
Paint Your Dragon
Snow White and the Seven Samurai
The Portable Door
Wish you were here

Eftir Triciu Sullivan
Dreaming in Smoke

Eftir Sharyn McCrumb
Bimbos of the Death Sun

Eftir Bernard Werber
Empire of the Ants

Eftir David Garnett
Bikini Planet

Að auki bækur úr safni Sigurrósar og svo allir diskarnir, einnig úr hennar safni.

Í kvöld horfðum við svo á Sin City. Helmingi heimilismanna Betrabóls líkaði myndin en hinum helmingnum ekki. Mér fannst hún góð.

Uncategorized

Græni gripurinn (uppfærður)

Já, það er aldrei skortur á vanvitum sem vilja skipta heiminum í þá sem eiga það skilið að vera efnaðir og þá sem eiga það ekki skilið að geta menntað sig. Greinarhöfundur telur sumsé að búið sé að sanna það að ríkt fólk sé gáfaðra en aðrir, börn þeirra erfi gáfurnar og því eigi bara að sleppa því að veita öllum tækifæri á menntun, óháð efnahag.

Það minnir mig á grein í Fréttablaðinu í gær (bls. 56) eftir Þórð Pálsson, forstöðumann greiningardeildar KB banka, þar sem arðsemi námsins er hinn heilagi sannleikur. Ég held að við færum illa út úr því ef að heil kynslóð útskrifaðist sem lögfræðingar og viðskiptafræðingar. Það vill nefnilega svo til að mörg verðmætustu störf þjóðfélagsins eru með neikvæða arðsemi, kennarar, hjúkrunarfólk og aðrar mannauðsstéttir sem eru hverju þjóðfélagi lífsnauðsynlegar. Nei, heilagi sannleikurinn er arðsemi sem er mæld í krónum. Þess vegna er ekkert mál að hækka skólagjöld og minnka skólagöngu og "gagnslaus" bókleg fög sem koma menntun ekkert við eins og bókmenntir og listasaga. Heimskur er heimaalinn maður sagði einhver staðar, hluti atvinnulífsins lítur greinilega svo á að öll menntun umfram reikningshald og skrift sé óþarfi. Þarna sést í forpokuðu stórbændurna sem vildu ekki að lýðurinn menntaði sig, það væri óþarfi sem skilaði ekki neinu í gogginn.

Sem betur fer eru fæstir svona þenkjandi. Í gær var verið að kynna fartölvu sem beðið hefur verið eftir, hún er ætluð börnum í þróunarlöndunum og mun kosta um $115 eða um 7 þúsund krónur. Eins og sjá má af myndunum er hún litrík og fjölhæf. Já, fyrir þá sem eru að velta því fyrir sér þá er sveifin á henni aflgjafi. Með því að snúa henni í eina mínútu er hægt að hafa hana í gangi í rúman hálftíma.

Í framhaldi af mynd gærdagsins um fasisma þá benti D10 mér á þetta myndband. Samtökin sem minnst er á þarna er að finna hérna. Svo ég vitni í stórmenni bókmenntasögunnar, þá er þetta fólk klikk, held ég hafi áður andvarpað yfir því að þetta lið er á góðri leið með því að gera draum sinn að okkar martröð.

Uncategorized

Lesa lesa horfa

Enn á ég P.G. Wodehouse til að grípa í, nú síðast hef ég lesið smásagnasafnið Death at the Excelsior og The Coming of Bill, sem reyndist vera gamaldags rómans.

Flash-myndin 14 Characteristics of fascism sýnir að Bandaríkin eru á slæmri leið sem stendur, eitthvað sem við vissum svo sem.

Uncategorized

Stórafmælið

Ragna, sem ég hef kallað tengdó í 5 ár þó svo að það hafi fyrst orðið lögformlegt í sumar, varð sextug um síðustu helgi og bauð af því tilefni dætrum og tengdasonum í mat og gistingu á Grand Hóteli, pakkinn nefnist Grand Rómantík.

Smá byrjunarhnökrar við upphaf borðhalds en yfirþjónninn braut heilann og bjargaði afmælinu með því að færa okkur frá þéttsetnum bar og margförnum gangvegi að arineldinum í mun notalegri aðstöðu.

Maturinn var hnossgæti og þjónustan fín, laukfælni mín þýddi að ég fékk örlítið öðruvísi rétti en allir þóttu frábærir, lambið var einstaklega gott. Rauðvínið var svo flauelsmjúkt og einstaklega bragðgott, ekki minnsta vínandakeim að finna. Þetta vín virðist ekki fást í ÁTVR sem er miður. Hef auga með því hvort að Simon Pemperton, shiraz / sangiovese frá Ástralíu birtist þar einhver tímann í framtíðinni.

Uncategorized

Líkbrúður og Keisaramörgæsagangan

Kvikmyndaskýrslan fyrir ársyfirlitið… 

Á þriðjudaginn litum við á Corpse Bride. Mjög fín.

Í kvöld var það svo Keisaramörgæsagangan. Ekki síðri og magnað hversu sérhæft líferni þeirra er.

Uncategorized

Á þeysireið

Fátt ritað hérna enda sérdeilis nóg að gera alltaf. Fyrir utan að taka köst á íslensku og ensku Wikipediu og setja inn litlar og stórar greinar og bæta aðrar, þá er ég sem fyrr að leggja mitt af mörkum fyrir Project Gutenberg.

Að auki er ný útgáfa á leiðinni hjá Sigurrós, þar mun ég nýta mér það að MySQL er loksins komið með sýnir og gikki og fleira sem ég þarf að rifja upp en auðveldar lífið til muna.

Ekki má gleyma World Football Organization þar sem hönnun er í gangi fyrir svaðalegasta gagnagrunn íþróttasögunnar. Svo eru ýmis minni verk hér og þar sem ég er með puttana í.


Áhugavert lesefni:

Uncategorized

Sæfarinn eftir Jules Verne

Nú á Project Gutenberg, Sæfarinn eftir Jules Verne.