Jóhannes Birgir Jensson

Heimilislíf

Sigurrós nældi sér í ælupest í gær og ældi í alla nótt. Hún hefur farið skánandi núna undir kvöld og virðist komin yfir versta hjallann sem betur fer.

Barnalíf

Í dag var svo skírn Snúra. Okkur var boðið en veikindi Sigurrósar komu því miður í veg fyrir að við gætum séð þegar Örn og Regína gáfu honum nafnið Ísar Logi, við komumst ekki heldur til veislunnar. Við samgleðjumst þeim við fyrsta tækifæri þegar við erum bæði orðin rólfær.

Spæjaralíf

Aðdáendur CSI mega ekki missa af því að lesa aðeins um alvöru CSI-kellingu, það er hún Paulette Sutton.

Ný aðferð við skáldsagnalestur er nú komin fram, hægt er að lesa söguna Intimacies (sem er léttmeti) með því að nota svokallaðan DEN-lesara. Þá er sagan sett upp í formi tölvupósta, spallforrita og vefsíðna. Lesandinn nær í forrit af vefnum, setur upp á sinni tölvu og getur svo verið áhorfandi að sögunni. Hann sér tölvupóstana sem sögupersónur senda á milli, samtöl þeirra í nokkurs konar MSN og svo þær vefsíður sem þær lesa.

Tæknilíf

Þetta er alveg mögnuð mús. Maður bara veifar hendinni fram og aftur og músin hlýðir, maður ætti að benda fyrirlesurum og kennurum á þessa sniðugu græju.

Kerfisrugl

Í Skotlandi var verið að opna fokdýra lestarstöð. Það er svo sem hið besta mál nema hvað að þar er ekki að finna eitt einasta klósett þó svo að þúsundir manna fari þarna um á hverjum degi. Skriffinnunum finnst víst ekki taka því að hafa salerni þarna þar sem að fólk stoppi aðeins í 7 mínútur á lestarstöðvum og lestarnar hafa hvort sem er flestar salerni. Skínandi dæmi um ruglukolla sem að horfa á tölur og velta ekki fyrir sér þjónustu.

Magnaðir þessir jarðíkornar, þeir geta lifað af þó að hitastig þeirra fari undir frostmark. Vísindamenn eru nú að rannsaka þá, þetta gæti nýst við að senda geimfara lengra frá jörðu en áður.

Sjálfur er ég ekki æstur í að prufa þetta.

Hanna dýrar og ódýrar fjarstýringar, fjör í mínum skóla.

Ergónómía snýst um að gera umhverfi okkar sem þægilegast og heppilegast. Dæmi um það er til dæmis draumastóllinn minn. Þeir hjá Nyko eru nú komnir fram með magnaða nýjung, Nyko AirFlo Controller sem er leikja”pinni” með loftkælingu svo maður verði ekki sveittur í lófunum.

MSN reynir svo að ráðleggja konum hvað karlmönnum finnnst rómantískt.

Jeff Stahler á oft góða punkta, samanber Bush með höttinn.

Glætan lét sjá sig. Ég hélt ég væri kolfallinn í prófi sem ég mætti vansvefta og fárveikur í en ég rétt skreið það, verkefnin hækka mig svo upp í mannsæmandi einkunn. Á eftir að fá lokaeinkunnina en hún verður tæp átta þrátt fyrir þetta vonda gengi í prófinu. Á líka eftir að fá einkunn úr fagi sem ég vil fá hátt í, ætti að detta inn á morgun.

MSN er með smá samantekt á heimskulegum lögum sem er meðal annars hægt að lesa um á dumblaws.com.

Í gær fórum við á Kínahofið, Nýbýlavegi í Kópavogi, áður en Sigurrós og Stefa héldu áfram Muppets-maraþoninu sínu og ég kíkti til Hrafnkels.

Maturinn var svona þokkalegur fannst mér, kjúklingur með ananas var mitt val. Það sem pirraði mann þó voru auðvitað reykingarnar á nærstöddum borðum, ég held að maður fari núna bara alfarið að skipta við reyklausa staði.

Í dag litum við svo við á Austurvelli þar sem við fengum fullt af leiðinlegum formlegheitum áður en loksins var kveikt á jólatrénu. Það verða þó nokkur börn og fullorðnir kvefuð eftir að hafa staðið þarna mun lengur en hefði þurft.

Klukkan er um þrjú að nóttu og ég er nýkominn heim eftir ánægjulegt kvöld. Hrafnkell og Sirrý buðu okkur til árlegs jólaglöggsfagnaðar þeirra, Sigurrós var vant við látin en ég mætti og sat rúma fimm tíma á spjalli við Unni og Bjarna áður en þau fóru á Dömustaðaballið og svo Kela, Má, Stínu, Loga og svo bættist Elli í hópinn. Málefnin spönnuðu sögu internetfyrirtækja Íslands, skólamál, Brúðarbandið, trúmál (tengillinn sem ég lofaði þeim), notendaviðmót og margt fleira.

Fín kvöldstund og jólaglöggið sem Keli bjó til vakti gífurlega lukku, get ekki sagt til um það sjálfur þar sem ég er að halda mér frá svona veigum á meðan að líkaminn er að klára baráttuna við bronkítisinn.

Varðandi skólamálaumræðuna okkar þá er áhugaverð þessi grein um stöðu skólamála í Skotlandi þar sem foreldrar pretta skólayfirvöld til að koma börnum sínum í góða skóla. Hvort segir það meira um foreldrana eða skólakerfið?

Fótbolti

Bora Milutinovic, minn gamli vin, er nú kominn með enn eitt landsliðið til að koma á HM, núna eru það Hondúras sem að hann ætlar að koma á HM. Ég er farinn að halda að hann sé eina von okkar Íslendinga um að komast á stórmót. Karlinn er búinn að vera á sex HM í röð og aldrei með sama liðið (Mexíkó tvisvar reyndar en ekki samfellt).

Við erum í riðli 8 í undankeppninni fyrir HM ásamt Svíum, Króötum, Búlgörum, Ungverjum og Möltumönnum. Frekar löng ferðalög fyrir utan Svíana. Riðill 6 er Bretlandsriðillinn, Englendingar, Walesverjar og Norður-Írar ásamt öðrum.

Lygar

Það er aldrei satt orð eða sönn mynd þar sem George W. Bush kemur nálægt.

Pólitík

Dagatal ársins 2004 er líklega Babes against Bush.

Þeir sem misstu af því í fréttunum um daginn ættu að geta notið orðsnilldar Donalds Rumsfeld hérna, en þessi tilvitnun í hann var valin mesta bullið (Foot in Mouth) af Plain English:

Reports that say something hasn’t happened are interesting to me, because as we know, there are known unknowns; there are things we know we know. We also know there are known unknowns; that is to say we know there are some things we do not know. But there are also unknown unknowns — the ones we don’t know we don’t know.

Tölvulíf

Áhugaverð afritunarlausn fyrir heimili komin á markaðinn, er alltaf að vandræðast í að finna góða lausn til að halda gögnum heimilisins öruggum.

Í Extramadura á Spáni er nú komin út Linux útgáfa sem nefnist LinEx, áhugavert framtak þar sem reynt er að koma fátæku héraði inn í upplýsingaöldina.

Listalíf

Magnað að þetta sé vatnslitamynd.