Jóhannes Birgir Jensson

Hitti Elísabetu í dag, alltaf jafn gaman að hitta skemmtilegt fólk, of langt leið síðan síðast.

Fékk áðan einkunn úr Stýrikerfi 1, hvorki meira né minna en 9. Hæsta einkunn hingað til í þessum skóla, enda verið oft óduglegur við lesturinn. Það besta er að ég var duglegur við að fara út fyrir efnið í prófinu, og ryðja öllu sem mér datt í hug út úr mér, ef að ég var ekki alveg 100% á spurningunni. Virðist hafa virkað.

Nú er GallúBið sem að Geiri tók við mig (með aðstoð spurninganna sinna og smá asp-hjálpar frá mér) komið á vefinn, og gvuð hvað drengnum tekst að misþyrma myndunum sem ég sendi honum. Þar sem að ég hef ekki látið sjá mig á svokölluðum skemmtistöðum í áraraðir þá átti pilturinn auðvitað engar myndir af mér, þannig að ég gróf upp einhverjar og sendi honum. Drengurinn lætur þær svo fettast og brettast þannig að það er engu líkara en að ég sé 3 metrar á breidd (þegar ég er bara 1.5!). Honum tileinka ég því þessa skopmynd.

Þá held ég áfram í verkefninu, prófanir eiga að fara fram á morgun og þetta lítur ágætlega út vefmegin að minnsta kosti. 7 dagar í skil!

Áhugavert:

Real Madrid og Leverkusen mætast víst í úrslitaleik Meistaradeildar Evrópu. Ég er vel sáttur við það, það væri sorglegt þó ef að Leverkusen tapaði bæði þeim leik og næðu ekki að verða þýskir meistarar, hrikalegt að hiksta svona á lokasprettinum.

Íslendingur sem gengur undir nafninu Óli Jóh er á leiðinni á þennan úrslitaleik í Glasgow. Óska honum til hamingju.

Stoke komnir í úrslitaleik um sæti í 1. deildinni. Þar mæta þeir öðru íslendingaliði, Brentford.

Ég er búinn að vera í skólanum í dag þannig af sjálfum mér er lítið að frétta, ætla þó að passa mig á því að vaka ekki svona frameftir nóttu yfir mynd á vídjói, eins og við Sigurrós gerðum í nótt. Ekki nógu sniðugt.

Áhugavert:

Þá er ég komin í frí frá vinnu í tæpar tvær vikur, nú mun verkefnið fljúga áfram.

Áhugavert:

Í Kína gæti ég verið kallaður Jia Zhanhan, skrifað

Áhugavert:

Tek nú sjaldan svona próf þó það gerist af og til, þetta var skondið þannig að ég tékkaði á því og í ljós koma að ég er….

Fyndið! Til að standa undir nafni tékkaði ég svo á því á mjög einfaldan hátt hvaða bloggarar voru í boði þarna, það voru víst Ágúst Flygenring, Arnar Ar, Ása Ein (ekki nagportal, þekki ekki), Björgvin (hættur að blogga), Bjarni, Geir Ág, Gummi Joh og Katrín.

Svona fyrst að ég byrjaði í þessu prófadóti tók ég þetta Political Compass próf, þar sem kom í ljós að ég er:
Economic Left/Right: -5.38
Authoritarian/Libertarian: -4.97

Þetta segir mér ekkert svakalega mikið, en ég er ánægður með það að þetta virðist vera á svipuðu róli og Gandhi! Ekki leiðum að líkjast, sá sem að ég er fjærst frá á þessu er víst Thatcher gamla og geggjaða. Út úr þessu má lesa að ég virðist vera bullandi vinstrimaður. (Ég tek það fram að ég er fyrrverandi meðlimur í SUS, sem að hljómar æ líkara SS)

Mitt eina komment á það er að samfélagið hefur grunnskyldum að gegna, og á að gegna þeim, það er fjarri því að ríka Ísland sinni þegnum sínum samkvæmt mannréttindasáttmála Sameinuðu þjóðanna. Öryggi, heilsa og menntun eru mannréttindi. Svo má markaðurinn bjóða í rest.

Áhugavert:

Í dag var laugardagur, horfði með öðru auganu á Ólaf Stefánsson og Alfreð Gíslason verða Evrópumeistara í handknattleik og á Leverkusen gera titilvonir sínar hæpnar.

Í dag hélt ég svo áfram að vinna í lokaverkefninu, kemst þó hægt fari.

Í dag vann ég ekki í Lottóinu, tók þátt núna og í síðustu viku. Einhver vann þó 80 milljónir, vonandi einhver sem þurfti á þeim að halda.

Tengdó var að segja mér að einhver sérfræðingaþáttur var í gangi á Rás 2 og þar var víst “tölvukall” að segja að menn mættu ekki nota forrit sem þeir hafa keypt á heimilistölvuna á fartölvunni sinni eða sumarbústaðartölvunni (flottheit eru það).

Mig minnir endilega að þetta stríði gegn íslenskum neytendalögum… ég heyrði þetta ekki sjálfur en mig grunar endilega að hann hafi verið að lesa upp viðskiptaskilmála Microsoft, en eins og allir ættu að vita eru þeir ólöglegir og brjóta í bága við íslensk lög .

Áhugavert:

Ásamt Nagportal eru RSS.Molar.is aðalleiðin að þönkum íslenskra vefritara.

Rakst áðan á færslu frá Snæuglunni þar sem hún vísar í argandi vitleysing sem á þessa frábæru setningu:

“new Macs are based on Darwinism! While they currently don’t advertise this fact to consumers, it is well known among the computer elite, who are mostly Atheists and Pagans. Furthermore, the Darwin OS is released under an “Open Source” license, which is just another name for Communism. They try to hide all of this under a facade of shiny, “lickable” buttons, but the truth has finally come out: Apple Computers promote Godless Darwinism and Communism.”

Ég myndi brosa að þessu nema að mig grunar endilega að George W. Bush sé sammála þessum manni.

Deiglan er enn einn miðillinn sem að áfellist Arafat fyrir að taka ekki Camp David sáttmálanum. Enn einn miðillinn sem að áttar sig ekki á að Camp David var svo gott sem uppgjafarsáttmáli, ég man ekki prósenturnar en samkvæmt Camp David þá áttu Palestínumenn að fá 22% af 43% Palestínu… það er að segja bara brotabrot af því sem Palestína var. Góðir samningar það.

Skondið að það þarf ekki meira en smá logn og smá sól og þá er eins og maður sé í himnaríki hér á Íslandi. Því miður er þessi samsetning mjög óhefðbundin hér og nú þegar er komið rok, paradísin endist ekki lengi en það er alltaf jafn gaman þegar hún lætur sjá sig.

Gærdagurinn var mun betri en mánudagurinn, gekk ágætlega að klára sum verkefnin sem voru á borðinu í vinnunni og við byrjuðum að forrita í lokaverkefninu.

Áhugavert:

Egill er búinn að vera voða duglegur og nú er ofanritaður kominn á Nagportal, með ofanritaðri fyrirsögn. Passaði mig á því að halda Agli góðum með því að senda bara einu sinni póst og biðja um skráningu (fyrir löngu síðan en Egill er upptekinn mjög). Þá sem langar að komast á Nagportalinn bendi ég á að skráningarform er að fara í gang hjá honum. Nagportal státar núna af því að vera í útgáfu 4, síðan fyrir nokkrum mínútum síðan. Samferða mér á Nagginn núna eru þeir Geiri og Stefán Pálsson sem ég hef einmitt átt í samskiptum við undanfarið. Ísland síminnkandi fer.

Þetta er nú meiri móðursýkin sem er í gangi út af kosningunum í Frakklandi. Hvernig getur lýðræðið tapað í lýðræðislegum kosningum? Þó að mönnum sé almennt uppsigað við Le Pen þá fékk hann þessi atkvæði með hefðbundnum aðferðum stjórnmálamanna, með því að segja það sem kjósendur vildu heyra. Er það bara ég eða eru fjölmiðlamenn almennt gaggandi hænur sem að elta næsta hanarassgat sem að þær sjá í leit að “the next big thing”?

Góðar fréttir fyrir fótboltann! Gullmarkið verður lagt niður í Evrópu. Mikið var segi ég.

Áhugavert: