Í smettið

Það var ekki seinna að vænna. Mætti í boltann í fyrsta sinn í 2-3 ár og andköfin sem ég tók voru eftir því. Ætti kannski að taka astmapúst fyrir svona hreyfingu en pústið heldur mér hins vegar í þvílíkum hjartslætti lengi eftir inntöku að það er næstum verra en hitt.

Hitti þar meðal annars Sverri í fyrsta sinn. Hitti líka boltann á einstaklega áhugaverðan máta, ætlaði að negla honum í burtu en negldi honum í fót sem kom sveiflandi á móti og fékk boltann í smettið af þvílíku afli að Jabbar-gleraugun mín flugu burt og ég sat eftir með myndarlegan marblett á miðju enninu.

Það verður gaman að sjá hvernig hann verður á litinn á laugardaginn þegar ég útskrifast.

Skemmtilegt safn að opna í Ameríkunni fyrir sci-fi áhugafólk.

Comments are closed.