Jóhannes Birgir Jensson

Þegar ég ók upp Nóatúnið í morgun varð ég fyrir því að aka á tæplega 50 km hraða ofan í smáskurð sem þar hafði verið skorinn þvert yfir götuna. Ég giska á að hann hafi verið um 20 cm á breidd og 5 cm djúpur, en það sem var aðalhættann var skörp malbiksbrúnin sem þarna var. Engar merkingar voru til þess að vara við þessum skurði, og ef ég hefði verið á meiri ferð hefði örugglega geta farið verr fyrir dekkjunum mínum. Ég sendi bréf því á gatnamálastjóra þar sem ég lýsti yfir hneykslun minni á því að merkingar vantaði. Hann svaraði mér:

Þá er dagbókarfítusinn sem ég er að búa til kominn á lappir og á koppinn. Á eftir að vinna úr valmöguleikum til birtingar og þá ætti allt að vera orðið voða fínt. Þennan módul verður svo hægt að nota í ótrúlegustu hluti í Vefkofanum og fleiru. IE eingöngu þó… eins og er.

Missti af frönskutímanum í dag, í fyrsta sinn. Var frekar slappur og búinn að vera stórundarlegur í maganum áfram…

Gaman að sjá að páfi er ekki algjör afturhaldsseggur.

Spilaði í dag loksins með réttri músarstillingu í Counter-Strike, henni var breytt um daginn þegar að einn vinnufélagi fékk að spila í fjarveru minni. Ég er búinn að vera að spila ömurlega síðustu 2 vikur, og held að aðalástæðan sé þessi stilling, ég var ekki að hitta stóra feita kalla þó að ég stæði ofan á þeim. Var kannski ekki alveg brilljant í dag en gekk mun betur. Byrjaði að skipuleggja næsta LAN í vinnunni, ætlum að hafa það daginn fyrir jólahlaðborðið.

Kláraði Psychostore í kvöld, ágætis lesning en kannski ekki tær snilld.

Áhugavert lesefni:

Gat ekki setið á mér áðan eftir að hafa lesið að Pétur Marteinsson væri farinn til Stoke, og að hann væri miðjumaður samkvæmt Ananovu. Ég skrifaði Ananovu og benti þeim á að hann væri varnarmaður, og lét undrun mína í ljós hversu oft það henti að þeir og aðrir fréttamiðlar segðu að leikmenn væru eitthvað allt annað en þeir eru. Þetta var bara einu skipti of mikið :p

Kvöldið fór í þeysireið í tölvureddingum, skaust á Selfoss til að netvæða systur Sigurrósar, kom í ljós að aðalsökudólgurinn var sá að @li.is tengingin var ekkert að svara nema line is busy. Svo var reynt að troða gömlum hörðum diski í hjá litla bróður, svo var vél reddað á network og að lokum var skipt um skjá. 4 staðir, 4 hlutir, þar af 3 sem að gengu upp. Fékk rauðvín að launum á Selfossi, ekki slæmt.

Hló að snilldinni hjá mbl.is, frétt þeirra um að “Harry Potter slær met í aðsóknarmetum” var mjög áhugaverð, einkum fyrirsögnin.

Eyríkið Tuvalu átti réttinn á .tv endingunni í vefslóðum (samanber Ísland með .is). Þeir seldu þann rétt fyrir fleiri milljónir dollara til einhvers fyrirtækis sem að selur svo þeim sem vilja .tv lén á þó nokkra dollara stykkið.

Núna bregður svo við að vegna hækkandi hitastigs í heiminum (er það eðlileg hitasveifla eða alfarið okkur að kenna?) er þetta eyríki (9 eyjar raunar) að sökkva í sæ og nú verður farið að flytja alla 11.000 íbúana til Nýja-Sjálands. Meira um þetta má lesa hjá Guardian Unlimited.

Við getum andað rólega hér á klakanum, hækkun yfirborðs sjávar um meter eða tvo myndi ekki sökkva okkur í sæ, talsvert af Suðurlandi er líklegast í hættu en annars liggur landið sæmilega hátt.

Það er sorglegt að þetta sé að gerast, nú verður áhugavert að heyra hvað Bush segir um þetta, en honum er auðvitað meinilla við að fara að setja þrýsting á sína landsmenn um að minnka mengun, mörg stórfyrirtæki sem eiga hönk upp í bakið á honum eða eru hreinlega nátengd honum.

Ætluðum að vera voðalega dugleg í morgun og ég skutlaði Sigurrós í Baðhúsið og hélt svo í World Class. Síðast þegar ég vissi opnaði World Class klukkan 10 á sunnudögum, en nú var allt lokað og slökkt, og ég og konan sem kom þarna á sama tíma vorum mjög undrandi á því.

Til þess að gera mér eitthvað til dundurs þangað til ég ætti að sækja Sigurrós fór ég að rúnta niður Laugarveginn, nokkuð sem ég hef ekki gert í fleiri mánuði. Mál og menning var opin þannig að ég leit þar við og festi kaup á bókinni Psychoshop.

Þegar við vorum svo komin heim fór ég á netið og komst að því mér til undrunar að annarsvegar er Fellsmúlastöðin (sem ég fer í) “opin allan sólarhringinn” og svo hins vegar að hún er “lokuð á sunnudögum”, sem að eru nýjar fréttir fyrir mér. Af reynslu minni að dæma þá hefur seinni síðan rétt fyrir sér, sem gefur að fyrri síðan er með röngum upplýsingum.

Í tilefni af því að ég var að skoða vef Roald Dahl og lesa um hann þar (merkilegur náungi og frábær rithöfundur) þá tókum við teiknimyndina “James and the Giant Peach” sem er gerð eftir sögu Dahls. Annar snillingur setti handbragð sitt á þessa mynd, Tim Burton.

Áhugavert lesefni:

Skaust heim í dag til að tékka á því hvort að samband væri komið á, og jú, svo var.

Áhugavert lesefni:

Rauðan tveggja-hæða London strætó bar fyrir augu mín þegar ég var að koma úr vinnu, hann var að koma úr áttinni frá höfninni og því líklegast á vegum einhvers skemmtiferðaskips?

Netið til vandræða hérna heima, það byrjaði í gærkvöldi og var ennþá í gangi í dag. 800 7000 gat bara sagt mér að allir væru farnir heim sem eitthvað gætu gert, og því ráðlegast að hringja á morgun fyrir klukkan fjögur. Ef að það klikkaði myndi sambandsleysið haldast fram yfir helgi, þessi tvö kvöld eru þegar búin að fara illa í mig, hrikalegt að geta ekki tékkað á pósti þó ekki nema einu sinni á kvöldi.

Við erum áskrifendur að .net í vinnunni, og ég sá að þeir birtu bréfið mitt í December 2001 heftinu þeirra, þar sem ég var að skamma þá fyrir að vera að kenna Half-Life spilurum að vera með strigakjaft. Það sem pirraði mig núna var það að þeir stálu millinafninu mínu, ég veit ekki hver Jóhannes Jensson er, en ég veit að það er ekki ég!

Kláraði í gærkvöldi rétt fyrir svefninn bókina The Collected Short Stories of Roald Dahl (1916-1990), stórt og mikið safn smásagna eftir hann. Maðurinn var auðvitað snillingur og flestar sögurnar eru tær snilld. Hef verið að lesa í þessari bók af og til fyrir svefninn ef að ég hef verið eitthvað andvaka (sem er nokkuð oft raunar).

Roald Dahl was deemed by his English master to be “quite incapable of marshalling his thoughts on paper”

Verst að það er ekki hægt að slökkva á fígúrunum á vefnum hans, þær flækjast fyrir þegar maður er að lesa, voða skemmtilegar svona fyrstu skiptin en þegar að gíraffi stendur í vegi fyrir textanum og þegar að fíll og krókódíll eru með óhljóð þegar maður er að hlusta á Dahl tala, þá er þetta minna sniðugt.