Magnað, elleftu önninni minni við HR er að ljúka, var í síðustu tímunum í dag. Svo eru það bara prófin (þar af tvö strembin um helgina) og svo er ég bara búinn?
1. apríl er á morgun, það er margt að varast þá, annars virðist sem ég hafi eiginlega fallið fyrir gabbi þó að ég skilji ekki alveg gabbið í því að gabba gabb?
Einhver undarlegasta lausn á vanda Miðausturlanda sem ég hef séð er sú að allir fari í þrívíddarleik.
Hópurinn í Afköstum gagnasafnskerfa skrapp í dag í heimsókn í KB-banka í Ármúla þar sem við fengum fyrirlestur og smá skoðunartúr.
Vinnuaðstaða öll mjög viðunandi virtist vera, tækjabúnaður til fyrirmyndar, enginn með minna en tvo flatskjái, fundarherbergið glæsilegt og skjávarpinn á stærð við Volkswagen bjöllu.
Tölvurýmið niðri var flott enda nýtt af nálinni. Ekki eins kalt þar inni eins og í tölvurýmum Flugleiða og Varnarliðsins.
Snitturnar fínar og belgískt konfekt vakti mikla lukku sumra.
Sá í kollinn á tveimur fyrrum bekkjarfélögum sem útskrifuðust á réttum tíma og muna líklega ekki eftir mér.
Haldiði ekki að ég hafi bara eytt 12 tímum í dag í að finna línuna sem ég eyddi út í gær í bríaríi.
Smá mistök
Maður hefur ekki tíma til að bora í nefið þessa dagana en það þykir víst vera einstaklega hollt og gott, sem og að borða horið (sjá nánar í greininni). Fann þennan tengil í gegnum þessa síðu.
Annars var listamaður að framkvæma gjörnin, hann málaði ísjaka á Grænlandi rauðan.
Góð grein frá Spáni sem lýsir því hvernig meira að segja fótboltinn verður hjómið eitt þegar hræðilegir atburðir gerast.
Deiglan, sem var að taka upp nýtt útlit (sem reyndar þarf að laga á undirsíðum, allt lendir fyrir neðan hvert annað), benti á frétt um mann sem greip barn sem datt niður af 3ju hæð.
Magnað að skoða myndir frá Mars sem þau Spirit og Opportunity hafa tekið.
Sá þessa frétt á textavarpinu áðan:
Fundaj um skipulagsmál í Reykjavík
Borgarstjórinn í Reykjavík bauf í
gúrkvbld til borgarafundar um
skipulagsmál.Kynnt voru helstu skipulagsmál sem eru
á d finni, f rsla Hringbrautar,
skipulag Myrarg,tusvstisins, lega
Sundabrautar og hugmyndir um byggingar
á reitum í Mijborginni.Hópur sem berst fyrir kví aá
Hringbrautin fari í stokk kvenst tala
fyrir daufum eyrum borgaryfirvalda.Borgarstjóri segir ekkert vinnast me
Sví an brautin fari tfas í jsraina. á
hann svari ekki. nánar á ruv.is
Lifi Færeyjar?
Elín benti mér svo á grein um 10 frægustu handaböndin þar sem Ísland kemur tvisvar fyrir.
Já, það var víst stökkbreyting sem virðist bera ábyrgð á því að menn urðu menn en ekki apar.
Í stað þess að enn og aftur fussa og sveia yfir mannfjöndunum sem eru víst við stjórnvölinn hér heima og erlendis ætla ég að fara á smá flakk um víðan völl.
Fyrst ber að telja líklega einn óhollasta eftirrétt allra tíma, djúpsteiktar súkkuluaðisamlokur sem eru búnar að komast í hóp rétta á fínum hótelum í Skotlandi.
Áfram af mat og Skotum. Þar í landi eru viðlíka snillingar við stjórnvölinn og hér heima, þeir eru þremur árum á eftir og milljörðum króna yfir áætlun með byggingu nýs þinghúss. Man einhver eftir Þjóðminjasafninu þessa dagana? Verð nú að segja að þessar skrifstofur þingmanna með sérsæti fyrir andlega íhugun sem og ísskáp eru nú ekki svo vitlausar samt.
Meira matarkyns. Bretar borða víst bara karrírétti sem eru æpandi að lit, hollustuyfirvöld gerðu tékk um daginn og reyndist einn staðurinn með fimmfalt leyft magn litarefna í sumum réttum. Hvernig ætli staðan hérna heima sé? Borða Íslendingar bara karrírétti sem eru sjálflýsandi?
Síðasta matartengda færslan, 5 ára strákur í Miami kom í skólann með smá krydd að hann hélt og dreifði yfir lasagna vinar síns þegar hann var stoppaður af. Hann reyndist vera með maríjúana í pokanum. Enginn náði að smakka á lasagnanu.
Orð dagsins er svo logizomechanophobia eða hræðsla við rökhugsun véla. Rökhugsun leiðir oft til rangra ákvarðana fyrir heill allra. Mætti koma því til frumskógarsinnanna.
Ég les ekki DV en fréttin Látin strippa á eigin heimili virðist nokkuð skuggaleg. Björn Bjarna vafalaust ánægður með svona taktík, karlanginn vill fá sitt eigið SA í gang heyrist manni. Svarið við hryðjuverkum og glæpum er ekki fleiri byssur og minni mannréttindi, merkilegt nokk er það oft öfugt.
Suddaleg frétt frá Þýskalandi um manninn sem var drepinn af eigin könguló og svo étinn af henni og fjöldamörgum öðrum dýrum og skordýrum sem hann hélt heima hjá sér.
Ein létt frétt í lokin, táningurinn Freddy Adu (er sagður 14 ára en margir efast) var að spila sinn fyrsta leik sem atvinnumaður og skoraði. Gæti orðið stórstjarna, gæti brunnið út fyrir tvítugt. Harður heimur.
Hvað getur maður sagt um heiminn í dag annað en að hinar nýju myrku miðaldir sem ég tauta af og til um eru vissulega þegar hafnar.
Frá Ameríku berast þær vonandi jákvæðu fréttir að hæstiréttur sé að skoða hvort að viðbótin frá 1950 þar sem Guði var troðið inn í “Pledge of allegiance” sé brot á stjórnarskránni.
Þaðan koma líka þær fréttir að samkynhneigðir séu skotspónn enn og aftur:
is asking lawmakers to amend state law so the county can charge homosexuals with crimes against nature (src)
Brot gegn náttúrunni já!
Ísraelar gera svo venju fremur sitt besta til að hleypa öllu í bál og brand. Núna gerðu þeir eldflaugaárás á gamlan mann í hjólastól sem var vissulega herskár en svona fjöldaaftökur (alls dóu átta manns í árásinni að morgni til úti á götu) eru hrein geggjun, venju fremur heyrist ekki píp frá Dóra og Dabba.
Þeir pörupiltar hafa annars enn ekki svarað mér varðandi fyrirspurn mína um þau gögn sem þeir sáu réttlæta árásina í Írak.
Talandi um Írak þá er almenningur orðinn verulega þreyttur á að fá byssukjafta framan í sig hvar sem er og að lífið á götum úti sem og heima við sé verra en undir Saddam.
Botninn sláum við í þetta með því að rifja upp hræsni og fávisku ráðamanna vestan hafs í The Top Ten Conservative Idiots (No. 148).